Rusiyada azərbaycanlı öz həmyerlisinin qətlini sifariş edib

21-10-2017, 09:56           
Rusiyada azərbaycanlı öz həmyerlisinin qətlini sifariş edib
Rusiya Baş Prokurorluğu bir azərbaycanlı və iki Başqırdıstan sakininə qarşı qaldırılan cinayət işi üzrə ittiham aktını təsdiq edib.
"Report" yerli mətbuata istinadən xəbər verir ki, cinayət işi Rusiya Ali Məhkəməsinə göndərilib.
İstintaqın məlumatına görə, 2014-cü ilin yanvar ayında Azərbaycan Respublikasından olan şəxs öz həmyerlisinin qətlini təşkil etmək qərarına gəlib. Başqırdıstan sakini təqribən 1800 dollar müqabilində sifarişli qətli yerinə yetirməyə razılaşıb. O, qətli törətməzdən əvvəl öz tanışı ilə birgə qətlə yetirilən şəxsə qarşı soyğunçuluq edib. Onlar öldürülən şəxsin sifarişçidən götürdüyü borc pulu ondan zorla alıblar.
İndi hər üç müttəhim, cinayət işində iştirak dərəcəsindən asılı olaraq muzdla qətlin təşkili və onun həyata keçirilməsi, qanunsuz yolla odlu silah əldə etmək və soyğunçuluqda ittiham olunur. Məhkəmənin vaxtı hələ məlum deyil.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru