Bakıda qeyri-yaşayış binasını mühafizə edən şəxs bıçaqlanıb
26-10-2017, 09:35
Bakının Nizami rayonu ərazisində bıçaqlanma hadisəsi baş verib. "Report" xəbər verir ki, insident keçmiş maşın bazarı yaxınlığındakı qeyri-yaşayış binasının mühafizə postunda qeydə alınıb. Naməlum şəxs mühafizə olunan binaya daxil olmaq istəyərkən mühafizəçi, 1965-ci il təvəllüdlü Abbasov İlham Müseyib oğlu onun qarşısını alıb. Lakin o, naməlum şəxs tərəfindən bıçaqlanıb. Yaralı xəstəxanaya yerləşdirilib. Fakt Nizami Rayon Polis İdarəsində araşdırılır.