Azərbaycan Hava Yollarına (AZAL) məxsus təyyarədə qəribə hadisə yaşanıb.

Azxeber.com-un məlumatına görə, bu barədə ANS və Space TV-nin keçmiş əməkdaşı Tünzalə Rafiqqızı məlumat yazıb. O, 09:45-dəki İstanbul reysi ilə uçan təyyarədə stüardessanın onun üzərinə qaynar su tökdüyünü və baş verən hadisə zamanı yanıq xəsarətləri aldığını bildirib.

T.Rafiqqızının sözlərinə görə o bu hadisənin şokundan hələ də özünə gələ bilməyib: "Stüardessanın əlində qapağı açılan qaynar çaydan bir anda üstümə dağıldı və mən qəşəngcə bişdim. Az sonra o boyda təyyarədə yanığın üzərinə vurmağa bir dərman tapılmadı. Axırda hansısa sərnişinin oteldən götürdüyü diş pastası tapıldı, yaranın üstünə çəkdik"