Azərbaycan Ordusunun hərbi qulluqçusu, 1999-cu il təvəllüdlü Arif Məmmədov həlak olub.

Teref.az virtualaz.org-a istinadən bildirir ki, bu barədə həlak olmuş əsgərin qohumları bildiriblər.

İnformasiyaya əsasən, Arif Məmmədov cəbhənin Qarabağ istiqamətində baş verən atışma zamanı həlak olub. Onun Beyləqan rayonundan hərbi xidmətə çağırıldığı bildirilir.

Qeyd edək ki, bu gün erməni KİV-i də Dağlıq Qarabağda cəbhə xəttində atışma və 20 yaşlı erməni hərbi qulluqçusu David Arturoviç Miloyanın yaralandığı barədə xəbər yaymışdı.

Azərbaycan Müdafiə Nazirliyindən hərbi qulluqçu Arif Məmmədovun ölüm xəbərini virtualaz.org-a təsdiqləyiblər.

Amma onu da bildiriblər ki, o, döyüş şəraitində həlak olmayıb.