UFC-nin prezidenti Deyn Uayt dünya çempionu rusiyalı döyüşçü Həbib Nurməhəmmədovla bağlı qərarını açıqlayıb.
Open.az rus mətbuatına istinadən xəbər verir ki, Uayt Nurməhəmmədovun UFC-nin himayəsi altında çıxış etməyə davam edəcəyini bildirib.
“O, UFC-də qalır. Biz bunu bacardıq və işimizə davam edəcəyik. Həbib üzülmüşdü və özündən çıxmışdı. Həbib əla oğlandır", - deyə Uayt bildirib.
Xatırladaq ki, oktyabrın 7-də Həbib Nurməhəmmədov irlandiyalı Konor Makqreqora qalib gəlib.