Braziliyada futbol oyunu tropik Amazon meşələrindəki yanğının tüstüsünə görə yarımçıq dayandırılıb.

“Report” xəbər verir ki, tüstü bütün stadionu bürüyüb və nəticədə hakim görüşü dayandırmaq qərarına gəlib.

Yağışlı Amazon meşələrində yanğın artıq 3 həftədir ki, davam edir. Bir çox idman ulduzları və ictimai xadimlər region hökumətlərini təbii fəlakətlə mübarizəyə səsləyiblər. Braziliyanın bir neçə ştatında fövqəladə vəziyyət elan olunub. Fransa prezidenti Emmanuel Makron meşə yanğınlarını beynəlxalq böhran adlandırıb.