Gürcüstanın Batumi şəhərindəki komandalararası dünya çempionatında bu gün IX turun görüşləri keçiriləcək.

"Report"un məlumatına görə, bu dəfə Azərbaycanın qadın millisi Ermənistanla üz-üzə gələcək.

Ötən gün ermənilərə uduzan kişilərdən ibarət yığma isə Sloveniya ilə qarşılaşacaq.

8 turdan sonra Azərbaycan komandaları müvafiq olaraq, 3-cü və 12-ci pillələrdə qərarlaşıb. Çempionata noyabrın 2-də X turun görüşləri ilə yekun vurulacaq.