“Qarabağ"ın futbolçusu Riçard Almeyda qış fasiləsində klubdan ayrılacaq.

"Yeni Sabah" xəbər verir ki, 30 yaşlı yarımmüdafiəçi bu barədə məlumatl Qazaxıstanın sports.kz saytına müsahibəsində açıqlayıb: "Qarabağ"dan bu qış ayrılıram".

Millimizin üzvü hazırda başqa klubların da onunla maraqlandığını etiraf edib:

"Bir neçə klubdan təklif var, amma hazırda qərar verməmişəm. Mənimlə maraqlanan klublar arasında Qazaxıstan təmsilçiləri yoxdur. Astana ilə müqaviləmi 3-4 ay bundan əvvəl ləğv etmişik".

Qeyd edək ki, Azərbaycan millisinin də üzvü olan braziliyalı futbolçunun "Qarabağ"la müqaviləsi yanvarın 1-i başa çatır. O, ötən mövsüm "Astana"dan icarə əsasında Ağdam klubuna keçmiş, daha sonra "Astana ilə müqaviləni ləğv etmişdi.