İspaniya Kuboku uğrunda yarışların 1/8 final mərhələsində daha bir qarşılaşma başa çatıb.

Oxu.az xəbər verir ki, hazırda ölkə çempionatına başçılıq edən Madrid “Real”ı səfərdə “Elçe”nin qonağı olub.

Martines Valero adına stadionda keçirilən görüşün əsas vaxtı qolsuz bitib.

Əlavə vaxtda qonaq futbolçu Marselonun meydandan kənarlaşdırılmasından sonra ev sahibləri say üstünlüyüdən yararlanaraq hesabı açmağa müvəffəq olublar.

Lakin tezliklə “Kral klubu” nəinki hesabı bərabərləşdirib, hətta qələbə topunu da rəqib qapısından keçirib.

Beləliklə də, qarşılaşma 1:2 hesabıyla paytaxt komandasının xeyrinə yekunlaşıb və “Real” ölkə Kubokunun növbəti mərhələsinə adlayıb.

Qeyd edək ki, bir qədər sonra 1/8 mərhələsinin sonuncu matçına start veriləcək. “Atletik” (Bilbao) doğma meydanda “Barselona”nı qəbul edəcək.
шаблоны для dle 11.2