AFFA bu klubları cərimələdi - SİYAHI
11-10-2022, 18:24
AFFA İntizam Komitəsinin qərarları açıqlanıb.
Metbuat.az Milli Assosiasiyaya istinadən xəbər verir ki, 3 klub cərimələnib.
Belə ki, 05.10.2022-ci il tarixində I Divizionun VI turunun “Zirə-2” – “Araz Naxçıvan” oyununda futbol meydançasının sulanmasının 19 dəqiqə gecikməsi səbəbi ilə “Zirə-2” klubu 80 manat cərimə olunub.
04.10.2022-ci il tarixində I Divizionun VI turunun “İmişli” – “Səbail-2” oyununda “Səbail-2” klubunun nümayəndəsi oyun öncəsi keçirilən iclasda iştirak etmədiyi üçün “Səbail-2” klubu 80 manat cərimə olunub.
04.10.2022-ci il tarixində I Divizionun VI turunun “İmişli” – “Səbail-2” oyununda “Səbail-2” klubunun 4 futbolçusu sarı vərəqə ilə cəzalandırıldığına görə “Səbail-2” klubu 80 manat cərimə olunub.
04.10.2022-ci il tarixində I Divizionun VI turunun “Qarabağ-2” – “Neftçi-2” oyununda oyunun ikinci hissəsinin əlavə vaxtında “Qarabağ-2” klubunun fan klubu tərəfindən tüstü paketi yandırıldığı üçün "Qarabağ-2" klubu 80 manat cərimə olunub.