İspaniya La Liqasının XXVI turunda "Real Madrid" üzərində ev qələbəsi "Barselona" üçün əlamətdar olub.

"Report"un məlumatına görə, Kataloniya təmsilçisi El Klasikolar tarixində 100-cü qalibiyyətini əldə edib.

"Kral klubu" isə şəxsi görüşlərdə rəqibinə 101 dəfə qalib gəlib. 52 matçda heç-heçə qeydə alınıb. Qoların nisbətində "Barselona"nın üstünlüyü var - 425:420.

Bundan başqa, meydan sahiblərinin müdafiəçisi Ronald Arauxonun öz qapısından keçirdiyi top XXI əsrdə iki komanda arasında baş tutmuş matçlarda ilk avtoqol kimi tərixə düşüb.

Qeyd edək ki, "Barselona" - "Real Madrid" görüşü kataloniyalıların 3:1 hesablı qələbəsi ilə yekunlaşıb.