“Real” La Liqada “Valyadolid”i 6:0 hesabı ilə məğlub edib.
Qaynarinfo xəbər verir ki, qarşılşamada Madrid klubunun fransalı hücumçusu Kərim Benzema 7 dəqiqə ərzində het-trik edərək (29, 32 və 36-cı dəqiqələrdə), futbol tarixində bir matçda ən sürətli 3 qol vuran futbolçular siyahısına daxil olub.
Sözügedən siyahıda Türkiyə Superliqasından “Qalatasaray”ın üzvü Bafetimbi Qomis və “Fənərbağça”nın sabiq futbolçusu Matey Kejman da yer alıb.
Bafetimbi Qomiş

2011-ci il dekabrın 7-də Çempionlar Liqasında Fransa təmsilçisi “Lion” səfərdə Zaqreb “Dinamo”sunu 7:1 hesabı ilə məğlub edib. Həmin vaxt “Lion”da çıxış edən Qomiş 44, 48 və 51-ci dəqiqələrdə toru silkələmişdi. Fransız futbolçu 7 dəqiqə ərzində het-trik etməklə tarixə düşüb.
Məhəmməd Salah

2022-ci il oktyabrın 12-də Çempionlar Liqasının qrup matçında üz-üzə gələn “Qlzaqo Reyncers” və “Liverpul” matçında ingilislər 7:1 hesablı qələbəyə sevinib. Həmin görüşdə Salah 75, 80 və 81-ci dəqiqələrdə vurduğu qollarla het-trikə imza atmışdı.
Matey Kejman

2007-2008 mövsümündə Türkiyə kubokunda “Fənərbağça”nın “Alanyaspor”u 10:3 hesabı ilə məğlub etdiyi matçda Kejman 77, 78 və 80-ci dəqiqələrdə 3 qol vuraraq tarixin ən sürətli het-triklərindən birinə imza atmışdı.
Yaqo Aspas

2014-cü il dekabrın 3-də İspaniya kubokunda “Sabadell”i 5:1 hesabı ilə məğlub etdiyi matçda “Sevilya”nın üzvü 58, 60 və 62-ci dəqiqələrdə 3 qol vurmaqla tarixə düşüb.
Robert Levandovski

Bundesliqada “Bavariya”nın “Volfsburq”a 5:1 hesabı ilə qalib gəldiyi matçda Münhen klubunun bütün qollarını vuran Levandovski 5 qolla diqqət mərkəzinə düşmüşdü. Polşalı ulduz 51, 52, 55-ci dəqiqələrdə fərqlənərək, futbol tarixində ikinci ən sürətli het-trikə imza atıb.
Sadio Mane

“Bavariya”nın seneqallı ulduzu “Sauthempton”da çıxış edərkən “Aston Villa”ya 2 dəqiqə 56 saniyə ərzində 3 qol vurmuşdu. Bu peşəkar futbolda ən sürətli het-trik olub.