İspaniya Real Futbol Federasiyasının prezidenti Luis Rubiales qalmaqala səbəb olub.

Publika.az xəbər verir ki, o, qadınlar arasında dünya çempionatının finalından sonra etdiyi hərəkətlə gündəmə gəlib. İspaniya millisi turnirin qalibi olub və Rubiales mükafatlandırma mərasimində həmyerlilərini təbrik etmək üçün podiumda olub.

Funksioner Henny Hermoso ilə münasibətdə özünü emosional formada aparıb. Rubiales onun başından tutaraq özünə çəkib və dodaqlarından öpüb.

Bu addım müxtəlif reaksiyalara səbəb olub. Rubiales cinsi təcavüz və qeyri-münasib davranışda ittiham olunur. Futbolçu isə bu anı yumorla qarşılayıb, gülümsəyərək deyib:

"Bu, dünya kubokunu qazanmaq sevincinin tamamilə kortəbii qarşılıqlı jesti idi. Bizim prezidentlə əla münasibətimiz var. O, hamımızla münasibətlərdə özünü qüsursuz aparır. Bu, təbii dostluq və minnətdarlıq jesti idi".