Marko Veşoviç: “Süni ot örtüyü və hava şəraiti bizə çətinlik yaradacaq”

30-11-2023, 09:18           
Marko Veşoviç: “Süni ot örtüyü və hava şəraiti bizə çətinlik yaradacaq”
“Süni ot örtüyü və hava şəraiti bizə çətinlik yaradacaq”.

Oxu.Az-ın məlumatına görə, bunu “Qarabağ”ın futbolçusu Marko Veşoviç “Molde” klubuna qarşı keçiriləcək UEFA Avropa Liqasının qrup mərhələsinin səfər oyunu ilə bağlı mətbuat konfransında deyib.

Monteneqrolu müdafiəçi bugünkü matça hazır olduqlarını bildirib:

“Bizi güclü rəqibə qarşı çətin oyun gözləyir. İstədiyimiz nəticəni qazanmaq üçün əlimizdən gələni edəcəyik”.

Veşoviç zədədən sonra yaxşı formada olduğunu bildirib:

“Motivasiyam var, yaxşı formadayam və əlimdən gələni etməyə hazıram”.

Qeyd edək ki, noyabrın 30-da keçiriləcək “Molde” - “Qarabağ” oyunu Bakı vaxtı ilə saat 00:00-da başlayacaq. Hazırda Azərbaycan çempionu altı xalla qrupda ikinci pillədə qərarlaşıb. Eyni xala malik Norveç təmsilçisi üçüncü sıradadır.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.