Səudiyyə Ərəbistanı Superkubokunun ikinci yarımfinal matçı başa çatıb.

“Əl-Hilal” və “Ən-Nəsr” komandalarının qarşılaşmasında meydan sahibləri 2:1 hesabı ilə qalib gəliblər.

Görüşdə əsas hadisələr ikinci hissədə cərəyan edib. Hesabı 61-ci dəqiqədə meydan sahiblərindən əl-Davsari açıb. 72-ci dəqiqədə Malkom fərqi ikiyə çatdırıb.

Qonaqların ulduz futbolçusu Kriştianu Ronaldu 87-ci dəqiqədə birbaşa qırmızı vərəqə alaraq oyundan kənarlaşdırılıb.


90+9-cu dəqiqədə Mane hesabdakı fərqi azaltsa da, “Ən-Nəsr”i məğlubiyyətdən xilas edə bilməyib.

Qeyd edək ki, “Əl-Hilal” finalda “Əl-İttihad”la qarşılaşacaq.