İngiltərənin “Mançester Siti” komandası qış transfer dövründə heyətinə 4 futbolçu qatmağı planlayır.

Modern.az xarici mətbuata istinadən xəbər verir ki, klub rəhbərliyi uğursuz çıxış fonunda heyətdə dəyişiklik etmək fikrindədir. Premyer Liqa təmsilçisi hücumçu, yarımmüdafiəçi, mərkəz və sağ müdafiəçi mövqeyi üçün oyunçu axtarışına başlayıb.

Qeyd edək ki, Xosep Qvardiolanın komandası keçirdiyi son 11 qarşılaşmada cəmi 1 qələbə qazanıb, 8 məğlubiyyət alıb və 2 dəfə heç-heçə edib. “Şəhərlilər” çempionatda 16 turdan sonra topladığı 27 xalla turnir cədvəlinin 5-ci pilləsində qərarlaşıb.