Türkiyə çempionatının U-17 Liqasında "Fənərbağça" - "Qalatasaray" (0:2) matçını idarə edən Onur Mert ömürlük hakimlikdən uzaqlaşdırılıb.

teref.az goal.az-a istinadən xəbər verir ki, TFF Hakimlər Komitəsi onun 4-5 il öncə sosial şəbəkədə həmkarlarını təhqir edən və azarkeşlik etdiyi klubu açıq göstərən paylaşımlarına görə bu qərarı qəbul edib. Onur Mert sözgedən oyunda "Fənərbağça" futbolçusu Gürkan Başkanın açıq ayaqla rəqibinə sərt müdaxiləsini yalnız sarı vərəqə ilə cəzalandırmasına görə tənqid hədəfinə çevrilmişdi.

"Özümə yeni və tərəfsiz səhifə açdım. Hakimliyə başlayandan sonra Cüneyt Çakır və Fırat Aydınusun nə qədər dəyərli və mükəmməl insan olduğunu gördüm. Onların yolu ilə getməyə qərar verdim" - gənc hakim sosial şəbəkədəki yeni hesabından yazmışdı.