Böyük Britaniyanın Azərbaycandakı səfirliyi sosial şəbəkələrdən birində bu gün baş tutacaq “Qarabağ” – “Çelsi” oyunu ilə bağlı maraqlı paylaşım edib.

Paylaşılan fotoda Karol Krofts üzərində “Qarabağ” və “Çelsi”nin logolarının əks olunduğu şərf taxıb. Səfirin adından postda, həmçinin “niyə də yox” qeydi paylaşılıb.
Qeyd edək ki, bu gün “Qarabağ” Çempionlar Liqasının qrup mərhələsində sonuncu ev oyununa çıxacaq. Təmsilçimiz öz meydanında “Çelsi”ni qəbul edəcək. Oyun Bakı Olimpiya Stadionunda keçiriləcək və oyuna satılan bütün biletlər matça bir neçə gün qalmış satılıb.

Xatırladaq ki, “Qarabağ” ilk matçda İngiltərə çempionuna 6:0 hesab ilə uduzub. (Azvision)