“Səbail” klubu bəyanat yayıb.“Qafqazinfo” xəbər verir ki, paytaxt klubunun feysbukdakı rəsmi səhifəsində verilən bəyanatda İlqar adlı bir şəxsin orta məktəbləri gəzərək, uşaqları pul müqabilində komandaya götürmək sözü verdiyi, həmin şəxsin klubla heç bir bağlılığının olmadığı vurğulanıb.

İnsanların bu cür fırıldaqçılara inanmamaları ilə bağlı xəbərdarlıq edilib:

“İlqar adlı bir şəxs (soyadını bilmirik) bir neçə orta məktəbdə özünü “Səbail” FK-nın əməkdaşı kimi təqdim etməklə guya klubun nəzdində fəaliyyət göstərən ödənişli qruplarda uşaqların məşq keçməsinə vasitəçi olacağını bildirir, onlardan maddi vəsait əldə etməyə çalışır, bunun müqabilində uşaqların “Səbail” klubuna cəlb olunmasına yardım edəcəyini deyir. “Səbail” FK olaraq bəyan edirik ki, klubumuzda heç bir ÖDƏNİŞLİ qrup fəaliyyət göstərmir və klubumuzun heç bir əməkdaşına hər hansı təhsil müəssisəsində yuxarıda qeyd olunmuş işlərin həyata keçirilməsi barədə tapşırıq verilməyib. “Səbail” Futbol Klubunun adından istifadə edən fırıldaqçılara aldanmayın! Bu cür halla rastlaşacağınız təqdirdə bizə məlumat verməyinizi xahiş edirik”.