Sloveniyada futzal üzrə 2018-ci il Avropa çempionatı başa çatsa da, turnir ətrafında müzakirələr davam edir.

Publika.az goal.az-a istinadən xəbər verir ki, çempionatın yarımfinal mərhələsində Portuqaliyaya 2:3 uduzan Rusiya hakimlikdən narazıdır. Oyunun sonunda portuqallar 2 dəfə qaydanı pozsa da, hakim fol qeydə almamışdı. Bu baş versəydi, cərimə limitini dolduran (6 fol) pireneylilərin qapısına penalti təyin olunacaqdı.

"Oxşar forumları qaydaya salmaq üçün birbaşa UEFA preziddentinə şikayət edəcəyik. Aleksandr Alayev (Rusiya Futbol İttifaqının müvəqqəti prezidenti) UEFA-nın futzal və çimərlik futboluüzrə Komitəsinə rəhbərlik edir. Aleksander Çeferinin özü də həmin oyunu izləmiş və hər şeyi özü görmüşdü. Ümumilikdə Lyublyanada keçirilən çempionat əla təşkil olunmuşdu. Buna görə onlara təşəkkür düşür" - Rusiya mini-futbol Assosasiyasının prezidenti Emil Əliyev deyib.

Qeyd edək ki, çempionatın 1/4 finalında millimizi 8:1 məğlub edən Portuqaliya finalda İspaniyaya qalib gəlməklə qitənin ən gücülsü olub. Rusiya turnirdə 3-cü yeri tutub.