İspaniyanın "Barselona" klubunun ulduz futbolçusu Lionel Messi tibbi müayinədən keçəcək.

Sportnet.az-ın məlumatına görə, bu barədə Kataloniya təmsilçisinin baş məşqçisi Ernesto Valverdo məlumat verib. O, argentinalı futbolçunun fiziki durumu haqda məlumatlı olmadığını söyləyib:

"Messi cümə axşamı tibbi müayinədən keçəcək. Daha sonra onun vəziyyətini qiymətləndirə bilərik. O, La Liqanın son matçında "Atletik"lə qarşılaşmada yaxşı təsir bağışladı. Ümid edirik ki, onun ciddi zədəsi yoxdur."

Qeyd edək ki, Lionel Messi Argentina milli komandasının heyətinə dəvət alsa da İtaliyanı 2:0 hesabı ilə məğlub etdikləri və İspaniyaya 1:6 uduzduqları matçda iştirak etməyib.