Nardaranda davam edən xüsusi əməliyyat həbslərlə müşayiət olunur.

Virtualaz.org saytının xüsusi müxbiri hadisə yerindən xəbər verir ki, kənd sakinləri Atabala Şahbazov, ata və oğul Əli Hüseynovla Mehdi Hüseynov və daha bir kənd sakini saxlanılıb.

Axtarış zamanı evlərdən soyuq silah qismində baltalar götürülüb.

* * *16:52

Nardarandakı İmam Hüseyn meydanı artıq Daxili Qoşunların nəzarəti altındadır.

Virtualaz.org saytının müxbiri xəbər verir ki, polis qəsəbənin küçələrinə də nəzarət edir. Qəsəbədə hər hansı videoçəkilişlər aparmaq qadağan edilib. Nə jurnalistlərə, nə də yerli sakinlərə belə imkan verilmir.

Virtualaz.org

* * *12:04

Nardarana giriş-çıxış yolları əvvəlki kimi bağlıdır.

Virtualaz.org saytının müxbiri hadisə yerindən xəbər verir ki, yollar avtomatlı polislərin ciddi nəzarəti altındadır.

Qəsəbədə həmçinin çoxsaylı təcili yardım maşınları növbə çəkir.

Digər məlumata görə, Azərbaycanın Hərbi-Dəniz Qüvvələrinin gəmiləri Nardaran qəsəbəsinin sahilboyu zonasında patrul xidməti aparır.