Ordusunu 2020-ci ilə qədər 70 faiz müasirləşdirməyi qarşısına məqsəd qoyan Rusiya bu il istəyinə qismən nail olub.

Axar.az-ın məlumatına görə, Rusiya Hərbi Hava Qüvvələri bu il 113 təyyarə, 39 helikopter, 117 radar stansiyası, 5 hərbi peyk, 1 ədəd S-400 və S-300, 600 ədəd hava hücumundan müdafiə raketini cəbbəxanasına daxil edib.

2015-ci ildə Quru Qoşunlarının da inventarı zənginləşib. 2 min hərbi avtomobil, 437 zirehli transpartyor, 70 min daşına bilən silah və təchizat, 4 elektron döyüş sistemi, 32 taktiki raket, 1 ədəd "İsgəndər" raketi quru qoşunlarına verilib.

Rusiya donanması isə bu il 11 gəmi, 8 qayıq, 40 hücum gəmisi, 2 sualtı qayıq, 17 radar, 7 təyyarə, 1 sahil təhlükəsizlik sistemi əldə edib.

Rusiya Strateji Raket Birliklərinə isə 2015-ci ildə 7 “Yars” raketi, 8 qitələrarası ballistik raket, 25 ədəd xüsusi elektron motorlu vasitə verilib.