teref.az - 29 dekabr 2015-ci il tarixində Ana Vətən Partiyası Biləsuvar rayon təşkilatının növbəti konfransı keçirilmişdir. Konfransda təşkilat komitəsinin hesabatı dinlənilmiş, təşkilati məsələlərə baxılmışdır.
İlk olaraq AVP Təşkilat Şöbəsinin müdiri Azər Qulizadə çıxış edərək regionda və Azərbaycanda gedən ictimai-siyasi proseslər barədə konfrans nümayəndələrinə məlumat vermişdir. O eyni zamanda AVP-nin fəaliyyəti, apardığı siyasət və partiyadakı təşkilatı işlərə də toxunmuşdur.
Sonra təşkilati məsələlərə baxılmışdır. Mənsimov Vahabəli Məmmədəli oğlu Ana Vətən Partiyası Biləsuvar rayon təşkilatının sədri seçilmişdir. Eyni zamanda rayon Məclisinin və Şurasının üzvləri, Qadınlar Şurasının və Gənclər Təşkilatının Sədri, Sədr müavinləri, Nəzarət Təftiş Komissiyası seşilmişdir.
teref.az