Ermənistan tərəfi üçtərəfli razılaşmadan (10 noyabr) əvvəl Dağlıq Qarabağda məhv edilmiş daha bir neçə hərbçisinin adını açıqlayıb.

Virtualaz.org erməni saytlarına istinadən bildirir ki, yeni siyahıda 71 nəfərin adı var.

Bu o deməkdir ki, Ermənistan ümumilikdə 1505 hərbçisini itirdiyini rəsmən etiraf edib.

Qeyd edək ki, Ermənistanın Qarabağdakı döyüşlərdə verdiyi itkilər hələ də tam açıqlanmayıb, rəqəmlər ictimaiyyətdən gizlədilir. Erməni KİV-lərində müxtəlif ziddiyyətli məlumatlar yayılmaqdadır. Məsələn, bir neçə gün əvvəl Ermənistanın səhiyyə nazirliyi Qarabağ döyüşlərində 2317 hərbçinin məhv edildiyini açıqlayıb.

Ölkənin Vatikandakı keçmiş səfiri Mikayel Minasyan isə Ermənistanın itkilərinin 4750 nəfər olduğunu bəyan edib.