Göyçayda ölümlə nəticələnən yol qəzası baş verib. Sputnik Azərbaycan-ın bölgə müxbiri xəbər verir ki, hadisə şənbə günü, noyabrın 20-də, axşam saatlarında rayonun əsas küçələrinin birində baş verib.
İlkin məlumatlara görə, Göyçay rayon Polis Şöbəsinin Post Patrul Xidmətinin əməkdaşı xidməti avtomobili ilə velosipedlə hərəkətdə olan, rayonun Potu kənd sakini 29 yaşlı Hüseyn Məmmədovu vurub.
Qəza nəticəsində H.Məmmədov hadisə yerində həlak olub. Hadisənin dəqiq səbəbləri aparılacaq araşdırmalardan sonra məlum olacaq.