Baş redaktor ona qarşı qaldırılmış cinayət işinin saxta olduğunu bildirir

«Gündəm Xəbər» qəzetinin baş redaktoru Şirin Cəfərliyə qarşı qaldırılmış cinayət işi üzrə məhkəmə prosesi bu gün saat 10:00-da Yasamal rayon Məhkəməsində davam etdiriləcək. Bu barədə teref.az-ya-a baş redaktorun özü məlumat verib.

O bildirib ki, bu onun sonuncu məhkəməsidir və bu səbəbdən də son çıxışını edəcək. «Çıxışım geniş tərkibdə olacaq. Mənə qarşı qaldırılmış cinayət işi qondarmadır, saxtadır. Çıxışımda istintaqın saxta ittihamlar üzərində qurulduğunu isbat edəcəm».

Xatırladaq ki, Şirin Cəfərliyə qarşı Cinayət Məcəlləsinin 213.2-ci maddəsi ilə ittiham irəli sürülüb. O, külli miqdarda vergidən yayınmada ittiham edilir.