Gecə Bakıda polis inspektorunun yaralanması ilə nəticələnən yol nəqliyyat hadisəsi baş verib.

ANS PRESS-in məluimatına görə, hadisə paytaxtın Heydər Əliyev prospektində qeydə alınıb.

Reyd zamanı nasazlıq səbəbindən həmin prospektdə təmir üçün dayanan Yol Polisi avtomobilinə arxadan gələn "BMW" markalı minik avtomobili çırpılıb. Qəza zamanı polis avtomobilində olan inspektor Bədirli Bədir xəsarət alıb. “BMW”nin sürücüsünün isə sərxoş olduğu bildirilir.

Faktla bağlı istintaq başladılıb və qəzanın dəqiq səbəbləri araşdırma nəticəsində məlum olacaq.