Sabunçu rayonunda bir qrup şəxs arasında dava-dalaş olub. Lent.az Daxili İşlər Nazirliyinin mətbuat xidmətinə istinadən xəbər verir ki, aprelin 9-da Sabunçu rayonunun Pirşağı qəsəbəsində qəsəbə sakini, əvvəllər məhkum olunmuş İsmixan Novruzov münaqişə zəminində həmyerlisi Zinyət Nəcəfovaya və oğlu Nəcəfə bıçaqla xəsarət yetirib. İ.Novruzov Z.Nəcəfovanın digər oğlu Nicatı isə döyüb. Qadın xəstəxanaya yerləşdirilib.

Sabunçu RPİ 15-ci PB əməkdaşlarının həyata keçirdikləri əməliyyat-axtarış tədbirləri nəticəsində İ.Novruzov tutulub.

Araşdırma aparılır.