Kürdə 12 yaşlı oğlan batıb - YENİLƏNİB
15-07-2022, 08:12
Kür çayının Salyan rayonu ərazisindən keçən hissəsində batan şəxsin kimliyi məlum olub.
APA-nın yerli bürosunun məlumatına görə, Salyan rayonunun Qaraçala kənd sakini, 12 yaşlı Abdullayev Əkbər Əhməd oğlu çayda boğulub.
00:34
Kür çayında bir nəfər batıb.
Bu barədə Fövqəladə Hallar Nazirliyi (FHN) məlumat yayıb.
Bildirilib ki, nazirliyin “112” qaynar telefon xəttinə Kür çayının Salyan rayonu, Qaraçala qəsəbəsi ərazisindən keçən hissəsində bir nəfərin (şəxsiyyəti dəqiqləşdirilir) batması barədə məlumat daxil olub.
FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
