Məktəbdən qayıdan 9 yaşlı qızın meyiti su quyusundan tapılıb.

"Ölkə.Az" xəbər verir ki, hadisə Türkiyənin Kilis şəhərində baş verib. Məktəbdən çıxdıqdan sonra yoxa çıxan Suriya əsilli 9 yaşlı qız evi ilə eyni küçədə yerləşən 2 mərtəbəli evin su quyusunda ölü tapılıb.

Hadisə yerinə gələn xilasedicilər suyu boşaltdıqdan sonra 12 metrlik quyudan azyaşlı qızın meyiti çıxarıb.

Müayinə zamanı qızın kəndirlə boğularaq quyuya atıldığı məlum olub.

Keçirilən əməliyyat tədbirləti nəticəsində şübhəli şəxs qismində H.B-adlı şəxs saxlanılıb.

Araşdırma aparılır.