Səbail rayonunun mərkəzi hissəsinə içməli suyun verilməsində məhdudiyyətlər olacaq.

Bu barədə “Qafqazinfo”ya Dövlət Su Ehtiyatları Agentliyindən məlumat verilib.

Bildirilib ki, su kəmərində təmir-bərpa işlərinin aparılması ilə əlaqədar bu gün ərzində Səbail rayonunun mərkəzi hissəsinə içməli suyun verilməsində məhdudiyyətlər olacaq.

Agentlik yaranacaq narahatlıqla əlaqədar abonentlərdən üzr istəyir.