Ərik qan şəkərinin yüksəlməsinə səbəb ola biləcək meyvələrdən biridir, xüsusilə qurudulmuş ərik (qaysı qurusu) şəkər tərkibi baxımından daha yüksəkdir. Foodinfo.az xəbər verir ki, ərik təzə halda istehlak edildikdə aşağı glisemik indeksə malik olduğu üçün qan şəkərini tədricən artırır. Lakin qaysıda su miqdarı azaldığı üçün şəkər konsentrasiyası xeyli yüksəlir və bu, qan şəkərinin sürətlə artmasına səbəb olur. Qaysı təbii şəkər (fruktoza) və liflə zəngin olsa da, artıq miqdarda istehlak edildikdə diabet xəstələri və ya qan şəkəri səviyyəsini nəzarətdə saxlamalı olanlar üçün problem yarada bilər. Xüsusilə şəkər əlavə edilən qaysı quruları bu təsiri daha da artırır. Ümumilikdə, qaysının faydalarından yararlanmaq üçün balanslı istehlak vacibdir. Qan şəkəri problemi olanlar mütləq dietoloq və ya həkimlə məsləhətləşməlidir.