Yakutskda taksi sürücüsü qadının telefonundan öz hesabına 25 min rubl köçürüb

32gun.az bildirir ki, bu barədə Yakutiya Respublikası Daxili İşlər İdarəsi məlumat yayıb.

Polisə müraciət edən Yakutsk sakini bildirib ki, taksi sürücüsü onu oğurlayıb. Araşdırmalar zamanı məlum olub ki, qadın evə taksi ilə qayıdarkən gedişhaqqını ödəməkdə çətinlik çəkib və sürücüdən kömək istəyib.

Sürücü qadının telefonunu alaraq, onun bank hesabından öz hesabına 25 min rubl köçürüb. 28 yaşlı sürücü saxlanılıb, onun barəsində oğurluq maddəsi ilə cinayət işi başlanıb. Ona altı ilədək azadlıqdan məhrumetmə cəzası verilə bilər.