Norveçdə 55 yaşlı ginekoloq Arne Bay 2004-2022-ci illər arasında törətdiyi zorlamalar və seksual xarakterli hərəkətlərə görə 21 il müddətinə həbs cəzasına məhkum edilib.

Bu barədə Hln.be nəşri məhkəmə mənbələrinə istinadən məlumat yayıb.

Məlumata görə, Bay zorlamalar və cinsi zorakılıqla bağlı 70, habelə vəzifə səlahiyyətlərindən sui-istifadə ilə bağlı 80 bənd üzrə təqsirli bilinib. Bildirilir ki, ümumilikdə 94 qadın onun əməllərinin qurbanı olub.

İş materiallarına əsasən, həkim ginekoloji müayinələr zamanı təkcə barmaqlarından deyil, heç bir tibbi göstərişi olmayan kənar əşyalardan da istifadə edib. Bu isə Norveç qanunvericiliyinə əsasən zorlama kimi təsnif edilir. O, törətdiyi əməlləri videokameraya çəkib.