"Tibb" ASC-nin (Akademik Roytberq Klinikasının) infeksionisti, tibb elmləri doktoru Vladimir Neronov bildirib ki, isti havalarda qida zəhərlənməsi riski yüksəkdir, çünki qida daha tez xarab olur. "Salmonella, E. coli və stafilokokk kimi bakteriyalar +20 °C-dən yuxarı temperaturda aktiv şəkildə çoxalır", - ekspert Life.ru saytına müsahibəsində bildirib.
Mütəxəssisin sözlərinə görə, isti havalarda ət, balıq və dəniz məhsulları, süd məhsulları, tərəvəz və meyvələrin saxlanma şəraitinə nəzarət edilməlidir.Semptomlar adətən keyfiyyətsiz yeməkdən iki-altı saat sonra görünür, lakin bəzən intoksikasiya sürətlə inkişaf edir - 30-60 dəqiqə ərzində.Həkimin qeyd etdiyi kimi, istidə intoksikasiya və zəhərlənmənin ilk əlamətləri sürətlə inkişaf edə bilər - standart iki-altı saatdan fərqli olaraq, cəmi yarım saat ərzində.