Əlverişsiz hava şəraiti ilə əlaqədar şəhərlərarası avtobuslarının fəaliyyətində problemlər yaranmayıb.
Gununsesi.info xəbər verir ki, bu barədə mətbuata Bakı Beynəlxalq Avtovağzal Kompleksinin növbə rəisi Məhəmməd Abdullayev deyib.
O bildirib ki, qarlı-şaxtalı hava şəraiti ilə əlaqədar Ağsu aşırımından istifadə olunmur, avtomobillər Bakı-Qazax yolundan istifadə edirlər.
M.Abdullayevin sözlərinə görə, hava şəraiti ilə bağlı heç bir reys təxirə salınmayıb. Bütün mövcud istiqamətlərdə avtobuslar fəaliyyət göstərib. Ancaq əvvəlki günlərlə müqayisədə sərnişinlərin sayı minimuma çatıb.