Ay Yer kürəsinə çox yaxınlaşdığı üçün bu gecə 00:30-dan 4:00-a qədər ciddi şüalanma olacaq. Axar.az xəbər verir ki, bu barədə sosial şəbəkələrdə xəbərdarlıq edilib. Kütləvi surətdə hər kəsə göndərilən xəbərdə iddia edilir ki, güclü şüalanmadan qaçmaq üçün 00:00-dan başlayaraq, saat 04:00-a qədər telefonları söndürmək məsləhətdir.
Qeyd edək ki, rəsmi şəkildə heç bir açıqlama verilmədiyindən, bu haqda sosial şəbəkədə yayılan informasiya və xəbərdarlıqlar ciddiyə alınmır. Ay ayda bir dəfə planetimizə yaxınlaşaraq perigey nöqtəsini keçir. Mayın 26-da baş verən Ay perigeyi isə 2017-ci ilin ən yaxın məsafəsi hesab edilir.
Bu gün üçün Ayın Yerə yaxınlaşacağı haqda rəsmi məlumat yoxdur. Ancaq hazırda Ay çox parlaq və iri görünür. Bunu adi gözlə də müşahidə etmək mümkündür.