Bakıda kafelərdən birində kütləvi dava zaman iki nəfər bıçaqlanıb
14-11-2017, 09:15
Bakının Sabunçu rayonu ərazisində kütləvi dava zamanı bıçaqlanma olub.
"Report" xəbər verir ki, 1987-ci il təvəllüdlü İsmayılov Mahir Etibar oğlu və 1987-ci il təvəllüdlü Paşayev İlham Ədil oğlu Balaxanı qəsəbəsində yerləşən "Qartal" kafesində tanıdıqları şəxslərlə əlbəyaxa dava ediblər.
Nəticədə M.İsmayılovun boğaz və bədən nahiyələrinə 3 bıçaq, İ.Paşayevin isə boğaz, bədən və ayaq nahiyələrinə 6 bıçaq zərbəsi vurulub. Hər iki yaralı 3 saylı Kliniki Tibbi Mərkəzə yerləşdirilib.
Həkimlərin verdiyi məlumata görə, M.İsmayılovun vəziyyəti ağırdır.
Faktla bağlı Sabunçu Rayon Polis İdarəsi araşdırma aparır.
