Moderator.az-a daxil olan məlumata görə, bu gün təxminən saat 18:00 radələrində paytaxtın Səbail rayonunun Şeyx Şamil küçəsində adam oğurluğu baş verib. Hadisə şahidinin bildirdiyinə görə, hər kəsin gözü qabağında mobil telefonla danışan bir şəxsə yaxınlaşan iki nəfər onu zorla “Mersedes” marakalı avtomobilə oturdaraq hadisə yerini tərk edib.
Olayın qəribəliklərindən biri də hadisənın həmin ərazidə motosikletlə xidmət aparan yol polisi əməkdaşının gözü qarşısında baş verməsi olub. Məlumata görə, hadisəyə şahidlik edən polis əməkdaşı dərhal “Mersedes” markalı avtomobilin ardınca düşüb.
Mənbə hər kəsin gözü qarşısında adam oğurlayanların polis tərəfindən ələ keçirilib-keçirilməməsi ilə bağlı məlumatsız olduğunu bildirib.