Ermənistanın səhiyyə naziri Armen Muradyan ölkəsinin acınacaqlı demoqrafik statistikası barədə danışıb .

Amerika Universitetindəki çıxışı zamanı 1990-cı illə 2014-cü ili müqayisə edən nazir bu illər ərzində əhali artımının iki dəfə aşağı düşdüyünü diqqətə çatdırıb: “Əgər 1990-cı ildə ölkədə 80.022 uşaq doğulmuşdusa, 2014-cü ildə bu rəqəm 43.061-ə bərabər olub. Hətta bu illər ərzində bəzi hallarda bu rəqəm 33 minə qədər enib”. Nazirin sözlərinə görə, əvəzində ölənlərin sayında artım qeydə alınıb: “1999-cu ildə 21.993 ölüm qeydə alınmışdı, 2014-cü ildə 27.714 ölüm faktı var. Bu statistikanın sayəsində Ermənistan əhalisi qocalmaqdadır. Əhalinin 7 faizindən çoxu 65 yaşdan yuxarı olanda dövlət həyəcan təbili çalır. Ermənistanda bu rəqəm artıq 11 faizdir”. Muradyan həmçinin ölkədə onkoloji xəstəlik səbəbindən ölənlərin sayının artdığını bildirib. Onun sözlərinə görə, 2002-ci ildə ölənlərin 16 faizi onkoloji xəstəlikdən əziyyət çəkənlər idisə, hazırda bu rəqəm də 20 faizə qalxıb.
QAT