Azərbaycanda Milli Məclisin ən təcrübəli deputatlarından olan Hacı Madər Musayev yenidən namizədliyini irəli sürüb.

Bundan öncə 5 dəfə millət vəkili seçilən M.Musayev AzVision.az-a açıqlamasında bildirib ki, təmsil olunduğu 10 saylı Binəqədi üçüncü seçki dairəsindən yenidən deputat olmaq istəyir. “Artıq namizədliyimi vermişəm. İnşallah görək necə olacaq”-deyə millət vəkili bildirib. O, nə üçün 6-cı dəfə deputat olmaq istəməsi ilə bağlı suala cavabında bildirib ki, həm seçicilərinin, həm də öz arzusunu reallaşdırmaq fikrindədir.

Qeyd edək ki, Madər Musayev ilk dəfə 1990-cı ildə 12-ci çağırış Azərbaycan Respublikası Ali Sovetinə deputat seçilib. Bundan sonra 1995, 2000, 2005, 2010-cu illərdə dalbadal Milli Məclisin deputatı olub. M.Musayev Milli Məclisdə 20 ildir təmsil olunan 14 deputatdan biridir.