Azərbaycan faunasında belə bir ilan növü yoxdur.

Bu sözləri Axar.az-a açıqlamasında biologiya üzrə fəlsəfə doktoru Təvəkkül İsgəndərov Ağsuda tapıldığı iddia olunan əjdahaya bənzər ilan haqqında yayılan xəbərlərə münasibət bildirərkən deyib. O bildirib ki, bu xəbər reallığı əks etdirmir:

“Bizdə Azərbaycan faunasının 250 illik tarixi var və orda bu ilan növü haqında heç bir məlumat yoxdur. Bəzi insanlar belə yalan məlumat yaymaqla insanlar arasında təşviş yaratmaq istəyirlər. Belə şeylərə inanmaq lazım deyil. Çünki bu xəbərlər reallığı əks etdirmir”.

Xatırladaq ki, Bakı-Şamaxı-Yevlax avtomobil yolunun 150-ci kilometrliyində Ağsu aşırımında istirahət edən şəxslərdən biri dərədə boz rəngli, təxminən 1,5 metrdən uzun olan ilanabənzər buynuzlu vəhşi heyvan gördüyünü və ətrafdakıların yardımı ilə onu məhv etdiyini bildirib.

Qeyd edık ki, sözügedən əjdahaya bənzər ilan ötən il İranda aşkarlanıb və lentə alınıb.
http://www.dana.ir/news/1427711.html/%D8%AA%D8%AD%D9%82%DB%8C%D9%82%D8%A7%D8%AA-%D8%AF%D8%B1-%D9%85%D9%88%D8%B1%D8%AF-%DA%A9%D8%B4%D8%AA%D9%87-%D8%B4%D8%AF%D9%86-%D9%85%D8%A7%D8%B1-%D8%A7%D9%81%D8%B9%DB%8C-%D8%B4%D8%A7%D8%AE%D8%AF%D8%A7%D8%B1-%D8%B4%D9%87%D8%B1%D8%B3%D8%AA%D8%A7%D9%86-%D8%B3%D8%B1%D8%A8%D8%A7%D8%B2-%D8%A7%D8%AF%D8%A7%D9%85%D9%87-%D8%AF%D8%A7%D8%B1%D8%AF?fbclid=IwAR2xPm9Tk5thcVf2IZ_8SFm88VM-wScxhcR55ALW1x3Y9BTLMsWvoQwtIDU