Rusiya ötən il müxtəlif ölkələrə 11.48 milyard dollarlıq hərbi məhsul ixrac edib. Ordu.az xəbər verir ki, bu barədə Rusiyanın Federal Gömrük Xidməti məlumat yayıb.

Bildirilir ki, bu rəqəm ötən illə müqayisədə 16% aşağıdır. İxracatdakı tək azalma 2020 ilə məhdudlaşmır. 2019-cu ildə ixracatın həcmi 13,6 milyard dollar, 2018-ci ildə isə 14,38 milyard dollar olub.

2015-2019 illər arasında Rusiyanın ən çox silah satdığı ölkələr Hindistan (ümumi satışların 25%), Çin (16%) və Əlcəzair (14%) olub.

Ümumilikdə, Rusiyanın silah ixracatı son 10 ildə 18% azalıb.