“AstraZeneca” peyvəndində donuz mənşəli maddələr yoxdur və vaksin müsəlman qaydalarına uyğundur. Azvision.az xarici mətbuata istinadən xəbər verir ki, bu barədə vaksin istehsal edən şirkət məlumat yayıb.

“AstraZeneca”nın İndoneziya üzrə sözçüsü Rizman Abudaeri bildirib ki, peyvəndin istehsal prosesinin bütün mərhələlərində donuz, eyni zamanda digər heyvan məhsulları ilə təmas yoxdur.

İndoneziyanın ən yüksək müsəlman ruhani orqanı olan Üləma Şurası peyvəndin istehsalında donuz pankreasından tripsin istifadə olunduğunu iddia etmişdi.