Çində mövhumata inanan kişi göyərtəsində 148 sərnişin olan təyyarənin uçuşunun son anda təxirə düşməsinə səbəb olub.

Bu barədə “Uniland” xəbər yayıb.

Bildirilir ki, Veyfandan Haykoya getmək istəyən kişi təyyarənin turbininə qırmızı kağıza bükülmüş sikkələr atıb. Uçuşdan əvvəlki yoxlamalar zamanı yerdə həmin qəpiklər tapılıb. Bundan sonra təhlükəsizlik naminə reys növbəti günə kimi təxirə salınıb.

Sərnişinlərin hamısının ifadəsi alınan zaman o, əməlini etiraf edib. Polis onu saxlayıb. Çinli kişi bildirib ki, pulları səfərin uğurlu keçməsi üçün atıb.

Sərnişinin cərimələnməsi və ya cəzalandırılması ilə bağlı məlumat verilməyib.