"Taliblər" yüzlərlə əfqan hərbçini həbsxanalarda saxlayır - FOTO
Əfqanıstanda hakimiyyəti ələ keçirmiş "Taliban" hərəkatının silahlıları ordu hərbçilərini həbsxanalarda saxlayır.

Bunu respublikanın keçmiş vitse-prezidenti Əmrullah Saleh “Twitter” səhifəsində yazıb.
Siyasətçi “Taliban”ı İŞİD-in yüzlərlə üzvünü saxladığı barədə dediklərini yalan adlandırıb. Onun sözlərinə görə, həbsxanalarda Əfqanıstan Milli Müdafiə və Təhlükəsizlik Qüvvələrinin hərbçiləri, hüquq müdafiəçiləri və Taliban rejimi ilə razılaşmayan əfqanlar var.

Saleh onu da vurğulayıb ki, yaraqlılar hələ də jurnalistlərin cəzaçəkmə müəssisələrinə getməsinə icazə verməyiblər.