“Məsələni siyasiləşdirmədən hesab edirəm ki, konkret olaraq Su-30SM çox yaxşı silahdır, lakin bizim kimi kiçik ölkələr üçün düzgün deyil, çünki kifayət qədər sürətlidir”.
Ordu.az xəbər verir ki, bunu erməni hərbi ekspert Karen Hovhannisyan bildirib.

Onun sözlərinə görə, Su-30SM qırıcılarından istifadə etmək üçün Ermənistanın bütün ərazisi kifayət etməyəcək.

“Hətta İrəvandan Mehriyə qədər olan ərazi uçuşu yerinə yetirmək üçün kifayət deyil. Buna görə də bu halda bu seçim anlaşılmazdır və yanlışdır”, - deyə Hovhannisyan qeyd edib.

Erməni hərbi ekspert vurğulayıb ki, 44 günlük müharibədə Ermənistanın məğlubiyyətinin bir nömrəli səbəbi təşkilatsızlıq, sonra digərləri olub.