Rusiyanın "Aeroflot" aviaşirkətinin baş direktorunun strategiya, xidmət və marketinq üzrə müavini Andrey Panov şirkətdən istefa verib və Rusiyanı tərk edib.

TNS kommersant.ru saytına istinadla xəbər verir ki, o, bu barədə sosial şəbəkədə paylaşım edib.

"Rusiyanı tərk etdik. “Aeroflot”dan getdim. Köhnə həyat bitdi", - A.Panov yazıb.

Panov istefasının səbəblərini açıqlamayıb.

Bu həftənin əvvəlində “RBC” qəzeti “Aeroflot”un baş direktoru Mixail Poluboyarinovun istefası barədə məlumat yayıb.