Xəbər verdiyimiz kimi Azərbaycanın xüsusi xidmət orqanları Qarabağda mövcud olmuş separatçı rejimin hərbi canilərini və cinayətlər işlətmiş "məmur"ları saxlayır.
Ermənistan mediası isə bir neçə gündür ki, qondarma rejimin sonuncu rəhbəri olmuş Samvel Şahramanyandan xəbər ala bilmir.
Sosial şəbəkələrin erməni seqmentində onun da saxlanıldığı iddia olunsa da "Aravot" nəşri bunun dezinformasiya olduğunu yazıb.

"Şahramanyan tutulmayıb və Bakıya da aparılmayıb. O, hələ də Qarabağ ərazisindədir. Mənbəyimiz bu yaxınlarda Samvel Şahramanyanla əlaqə saxlayıb. Samvel digər "məmurlar" kimi onun da saxlanması ilə bağlı məlumatları təkzib edib və hələ də Qarabağda olduğunu söyləyib. Şahramanyanı hansı aqibət gözlədiyi hələ də bəlli deyil", - məqalədə yazılıb.

AzVision.az